Tuesday, 14 October 2014 00:00

Ehekutivonan di Cestur di St. Domingo ta reuni ku Politur Kòrsou pa yega na akuerdo di koperashon

Politur Kὸrsou, ta sigui ku su esfuersonan pa será aliansa ku otro paisnan, p’asina, yuda engrándese i fortifiká e base di su eksistensha.

Den e kuadro aki ta tumando lugá e dianan aki na Kὸrsou un seri di kombersashon entre Politur i alto ehekutivonan di Cestur (antes Politur) di St. Domingo. E intenshon ta pa yega na akuerdonan di koperashon, partikularmente riba e area di formashon i interkambio.

Pa St. Domingo tambe, e industria di turismo ta algu di vital importansha, rason di kon e pais di merengue ke yega dentro di un periodo di 10 aña na un kantidat di 10 mion di turista anual.  

Pa Kὸrsou tambe turismo ta di vital importansha pa nos ekὸnomia, rason di kon turistanan ku ta bishita nos isla mester por konta ku e protekshon i seguridat necesario.

Den e kuadro aki mester mira e varios aliansanan ku Politur Kὸrsou ta será ku varios pais den nos región.

E kombinashon di foto athuntu ta duna un bista di e reunion ku a tuma lugá Djamars mainta ku e funshonarionan di Cestur, Kolonel Sr. Winston Cruz Sepulveda i Kapitan/ Abogado Sr. Glauco Israel Delgado den presensha di Minister di Hustisia mr. Nelson Navarro; tambe ta bisto representantenan  di Politur i kuerpo Polisial Kὸrsou.

Read 727 times Last modified on Sunday, 23 November 2014 23:31